خليك معايا


 
الرئيسيةس .و .جبحـثالتسجيلالأعضاءالمجموعاتدخول

شاطر | 
 

 ازاي تخلي جوزك يموووووووت فيكي؟؟؟؟؟؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
lovely roro
هرماوى جديد
هرماوى جديد


انثى
عدد الرسائل : 17
العمر : 30
البلد : مصر
الوظيفة : طالبه
تاريخ التسجيل : 25/10/2007

مُساهمةموضوع: ازاي تخلي جوزك يموووووووت فيكي؟؟؟؟؟؟؟؟؟   الجمعة نوفمبر 02, 2007 2:55 am

اول حاجه لازم تدركي حقيقه مهمه جدا


وهي ان الراجل طفل جميل


حاولي دايما تخلي الطفل اللي جوا زوجك او حبيبك


موجود وحاضر






حاولي تحبي الطفل ده لان الراجل محتاجلك اكتر مما تتصوري

يمكن اكتر ما انتي محتاجاله


وده مش معناه انك تعامليه زي الاطفال






خليكي زوجه وحبيبه وام وصديقه



اولا:



كوني زوجه مطيعه استحملي هموم جوزك



لو رجع من الشغل مضايق او تعبان خليكي جنبه اعرفي ايه مضايقه



بس من غير الحاح خليكي سلسه في كلامك وهو هيقولك من نفسه


لانك نصه التاني نصه الحلو واكيد مش هيخبي عليكي لكن لو كنتي لحوحه


هتزيدي من الضيق اللي هو فيه







لو حسيتي انه عايز يتكلم في اي موضوع



ابداي انتي بسؤاله وحسسيه انك مهتمه جدا


باي حاجه يقولها حتى لو حسيتي من جواكي انها مش حاجه مهمه جدا



سيبي اي حاجه شغلاكي


سيبي الريموت كونترول


واقفلي قناه فتافيت


و سيبي التليفون وصحباتك


وخلي كل حاجه فيكي معاه







لو يوم حصل بينكوا مشاده كلاميه


متعليش صوتك لان ده فيه ضعف لموقفك


وضيق ليه اكتر



خليكي هاديه مهما كنتي متنرفزه بكده انتي


هتخلي الموضوع يهدا بدون اي خساير








ولو هو من النوع العصبي وبيبرطم بكلام كتير


خليكي ساكته وقاعده قدامه


لغايه ما يخلص كل اللي عنده


هو هيتعب من نفسه


ومتخرجيش من الاوده خليكي موجوده


واياكي ونظره التهكم, لانها هتثير من غضبه اكتر


والموضوع مش هيخلص ابدا







اول ما تلاقيه هدي جبيله كوبايه عصير


واقعدي معاه فهميه وجه نطرك في الموضوع


وعاتبيه على اي حاجه قالها ضايقتك



صدقيني الموضوع هينتهي يومها



ومترجعيش تعاتبيه مره تانيه على كلام قاله وقت زعل







لازم تفهمي ان الراجل غير الست



انتي ممكن يعجبك انك لو متنرفزه ووسط خناقه


وصوتك عالي ولاقيتيه هو كمان بيزعق


وده معناه انك قدرتي تستفزيه



وانك خليتيه يتنرفز زي ماانتي متنرفزه



اعرفي ان العكس لو حصل ده مصدر ازعاج غير معقول للراجل


قدري اننا في مجتمع شرقي


وانتي محكومه ببعض المقاييس مش هتتغير






انتي وجوزك شخص واحد حاولي


تخلي احتياجاته اولويات بالنسبه ليكي







متحاوليش تتلصصي على جوزك


خليكي ذكيه واستدرجيه بيني انك مهتمه


تعرفي المعلومه اللي هتموتي وتعرفيها



لمجرد انه هو اهم حاجه في حياتك


وده مش كدب بس مش هنضحك على بعض


انتي عايزه تعرفي مين ميرفت اللي رقمها كان سايب ميسد كول


اللي طبعا شوفتيه من غير قصدك على موبايله


ياريت محدش يسال اشمعنى ميرفت؟؟ هي جت كده






من فتره للتانيه



فاجئي جوزك بعشا رومانسي


خليه يحس انك منجذبه ليه على طول





خلي اهل جوزك من غلاوه واهميه اهلك



لانهم في الاساس البيئه اللي نشا فيها جوزك


بيني ليه انك مهتمه بيهم جدا



متحاوليش تقلبيه على اهله


لان اللي ملهوش خير في اهله ملهوش خير في حد



وزي ما خسر اهله في يوم عشانك


ممكن يخسرك انتي بسهوله






نادي حماتك بماما


ده هيخليكي قريبه منها وهتخلي جوزك يطمنلك اكتر


افتكري ان الست دي هي اللي ربت حبيب قلبك


وعاشت معاه اكتر ما انتي عشتي


وبالتالي هيا فهماه اكتر منك








بيتك هو مملكتك وعشان تكوني امبراطوره صح


متخليش حد يعرف اسرار مملكتك







متخليش اسلوبك في حل المشاكل انك تسيبي البيت ابدا



ده يكسر قلب جوزك لانك هتحسسيه انه اخياره ليكي كان غلط



متفكريش انك تسيبي البيت لاي سبب من الاسباب



لان البعيد عن العين بعيد عن القلب


كلها يوم وتتصالحوا لكن لو كنتي برا البيت؟!!!






حافظي على جمالك واظهري دايما بالشكل اللي جوزك يحبه


افتكري انه اختارك من بين ملايين البنات



يبقى اكديله ان ذوقه صح واختياره كان في محله







كل يوم بتنامي فيه وجوزك مش راضي عنك ايا كان سبب الزعل



الملائكه بتلعنك لغايه ما يطلع الصبح


خلي رضاه اهم عندك من اي حاجه وبلاش كرامتي وكلام فارغ


لانكوا شخص واحد






حثي جوزك على الصلاه وقراءه القران


اسرقي نص ساعه كل يوم صلوا فيها كذا ركعه مع بعض



صدقيني اي مشكله بعد كده مش هيكون ليها اي تاثير


واي خلافات هتذوب مع زياده الخشوع






ثانيا:


كوني صديقه لجوزك




اكيد جوزك مع اصحابه بيبقى مختلف عن مابيكون معاكي او في البيت عموما



اتصرفي زي اصدقاءه مش يعني تشربي سجاير وتنزلي تقعدي معاه ع القهوه


بس حاولي تقربي من طريقه تفكير الرجاله وطريقه هزارهم عشان تفهميه هو اكتر







واخيرا افتكري انك نص المجتمع


وانك انتي اللي انجبتي وهتربي النص التاني


يبقى خليكي قد المسؤليه دي



وترفعي عن الصغائر وافتكري انك هتكوني ام في يوم



جهزي نفسك للمسؤليه دي


عشان تطلعي جيل يشرفك ويشرف بلدك


جيل جاي مين عارف


يمكن يكون الجيل اللي هيحارب وينصر الاسلام؟؟؟









يارب الموضوع يعجبكوا لاني تعبت فيه جدا بجد





_________________



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
Admin


ذكر
عدد الرسائل : 121
العمر : 34
البلد : مصر
الوظيفة : فى الموبايلات
تاريخ التسجيل : 23/10/2007

مُساهمةموضوع: رد: ازاي تخلي جوزك يموووووووت فيكي؟؟؟؟؟؟؟؟؟   الجمعة نوفمبر 02, 2007 12:45 pm

الف شكر يا رورو عل الموضوع الجامد دة وهو فعلا حلو مش كلام
بس فين البنات اللى تقرا وتفهم وتنفذ دة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://haram.newgoo.net
lovely roro
هرماوى جديد
هرماوى جديد


انثى
عدد الرسائل : 17
العمر : 30
البلد : مصر
الوظيفة : طالبه
تاريخ التسجيل : 25/10/2007

مُساهمةموضوع: رد: ازاي تخلي جوزك يموووووووت فيكي؟؟؟؟؟؟؟؟؟   السبت نوفمبر 03, 2007 2:11 am

لا موجودين وعارفين وهنفذ بس انتوا اللي مش واخدين بالكوا خااااالص ههههههه
شكرا ع الرد

_________________



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ازاي تخلي جوزك يموووووووت فيكي؟؟؟؟؟؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
خليك معايا :: المنتدى العام :: منتدى الحوارات والنقاشات-
انتقل الى: